Skolerugby

Wenk van die week3: Terug

Hierdie week wil ek nie oor spesifieke speelmetodes praat nie maar oor drie ander sake wat ook ‘n invloed op rugby het.

• Ek kyk na so baie rugby wedstryde dat ek later deurmekaar raak oor wat het in watter wedstryd gebeur. Daarom maak ek maar altyd kantaantekeninge by my statestieke. Ek wou die gemiddelde aantal strafskoppe per wedstryd bepaal en moes deur heelwat van my statestieke gaan om dit vas te stel. Dit is toe dat ek op iets afkom wat nogal verstommend is. Ek kon in die laaste sowat 100 wedstryde nie een keer kry waar die skeidsregter sy beslissing verander het nadat ‘n span met hom stry of die toeskouers hom van die kant probeer reghelp nie. Om die waarheid te sê, in 7 gevalle het hy 10 tree ekstra teen die klaers gegee. So dit lyk vir my jy kan ten minste 100% seker wees dit help nie om te klae nie en dat die skeidsregter ook ‘n mens is en alles wat hom van die kantlyn af toegesnou word dalk nie altyd tot voordeel van jou span is nie.
  
• So ‘n klein wenkie oor wat ek ook opgelet het. Wanneer ‘n speler die bal het en hom wil uitskop, maar die bal skil van sy voet af, veld-in, dan hoor jy soms ‘F@#…….. Maaannn…’ en die outjie hardloop alleen agter die bal aan. Ander kere gebeur dieselfde met ‘n ander speler en hy skree ‘Skuus Ouens’ en die hele span hardloop agter die bal aan. Maar onthou daar is ‘n man is met ‘n fluitjie wat alles hoor en het julle geweet dat die oormatige gebruik van vloekwoorde strafbaar is met ‘n geel kaart?
  
• In my tyd het ek al baie skoolkinders gesien wat ek verseker gedink het gaan Springbokke word, maar na skool hoor jy nooit weer van hulle nie. Tim Knoks het tydens die vorige Two Oceans toetse gedoen op mense wat hardloop maar veral op die wat nie klaar gemaak het nie. Daar is blykbaar ‘n gemeenskaplike faktor by die meeste van hulle. Almal van hulle is baie lief vir ‘n dampie. Daar is egter bevind dat indien jy vir 3 jaar ‘n dampie slaan op ‘n gereelde basis vorm daar ‘n extra lagie teer in jou long wat jou die 2de helfte van ‘n wedstryd lelik moeg maak en ook veroorsaak dat jy nie die fiksheids vlak van ‘n provinsiale speler kan bereik nie. Dit klink vir my ‘n man sal maar bietjie moet “Sacrifise” as jy eendag erens in sport wil kom.
  

So terloops die gemiddelde aantal strafskoppe per wedstryd vir skole is 17. (Nogal baie foute ne! Werk daaraan!)